having fun: THE MONTH OF POETRY

TÍTULO: THE MONTH OF POETRY

NIVEL EDUCATIVO: 6º Educación Primaria

RECURSOS NECESARIOS: Ordenador, internet, google drive, EDI, blogger e issuu

CONTIDOS A TRATAR:

Introdución á poesía
A pronunciación de palabras mediante o uso da rima.
O pasado simple: verbos regulares e irregulares.
Uso de léxico traballado en cursos e unidades previas.
Identificación e uso dos aspectos máis importantes para escribir un poema
Identificación e manexo das ferramentas básicas que ofrece o xerador de textos de google drive.

PROCEDEMENTO A SEGUIR PARA LEVALA Á PRÁCTICA:

Esta actividade está relacionada con outras dúas deste módulo (actividades de Google Drive e Issuu)

Para comezar incluiremos no blog un vídeo sobre que é un poema e unha presentación cos elementos e tipos de poesía. Tamén subiremos exemplos, así como algunha actividade realizada na clase para practicar a escritura dun poema. Ademais incluiremos unha ligazón a unha páxina para crear poemas en liña, de xeito que os alumnos e alumnas poden crear os seus propios poemas na casa e imprimilos ou compartilos.

Despois de visionar os diferentes vídeos e traballar os documentos sobre a creación de poemas, pedirémoslle aos alumnos e alumnas en parellas ou grupos de 3, que escriban e ilustren un poema a través de google drive, que serán recompilados nun único documento para crear un libro dixital que publicaremos en issuu. Ao saber que a finalidade é crear un libro dixital de poesías, fará que os alumnos e alumnas se impliquen máis na tarefa escrita.

Inseriremos esta publicación no noso blog e os alumnos e alumnas poderán votar polo seu poema favorito.